«Жанұя» отбасын қолдау орталығының қызметкері Жетісу облысында өз жұбайына қатысты тұрмыстық зорлық-зомбылық жасағаны үшін кінәлі деп танылды. Сот оған 200 сағат қоғамдық жұмыс тағайындады.
СОТ НЕНІ АНЫҚТАДЫ
Жетісу облысы прокуратурасының мәліметі бойынша, қылмыстық істі Қаратал аудандық соты қарады. Қылмыс жасау кезінде сотталған адам отбасылық-тұрмыстық зорлық-зомбылықтан зардап шеккендерге көмек көрсететін «Жанұя» отбасын қолдау орталығының заңгері болып жұмыс істеген.
Кәсіби қызметі жәбірленушілердің құқықтарын қорғаумен байланысты болғанына қарамастан, ол өз жұбайына қатысты құқыққа қарсы әрекеттер жасаған.
ТЕРГЕУ ҚАЛАЙ ӨТТІ
Сот талқылауы барысында Қаратал ауданы прокуратурасының мемлекеттік айыптаушысы айыпталушының кінәсін дәлелдеді.
Сот азаматты тұрмыстық зорлық-зомбылық жасағаны үшін кінәлі деп танып, оған 200 сағат қоғамдық жұмыс түріндегі жаза тағайындады. Үкім заңды күшіне енді.
ПРОКУРАТУРА НЕНІ МӘЛІМДЕДІ
Жетісу облысы прокуратурасы азаматтардың құқықтарын қорғау және тұрмыстық зорлық-зомбылық фактілері үшін жауапкершіліктің бұлтартпастығы қағидатын қамтамасыз ету құқық бұзушының лауазымына, мәртебесіне немесе жұмыс орнына қарамастан жүзеге асырылатынын мәлімдеді.
Ведомство сондай-ақ тұрмыстық зорлық-зомбылыққа жол берілмейтінін және ҚР заңнамасында көзделген жауапкершілікке әкеп соғатынын атап өтті. Заңдылықты қамтамасыз ету және жәбірленушілердің құқықтарын қорғау жөніндегі жұмыс прокуратура органдарының бақылауында қалады.