В Жетісу облысында мемлекетке ауыл шаруашылығы мақсатындағы пайдаланылмайтын 200 га жер қайтарылды. Учаскелердің кадастрлық құны 229 млн теңгеден асады.
МЕМЛЕКЕТКЕ ҚАНДАЙ ЖЕРЛЕР ҚАЙТАРЫЛДЫ
Жетісу облысы прокуратурасының мәліметінше, жерлерді қайтару прокурорлық ықпал ету актісі бойынша жүргізілді. Қадағалау қызметі барысында Көксу ауданының прокуратурасы ағымдағы жылдың басынан бері ұзақ уақыт бойы мақсатты пайдаланылмаған 200 га құнарлы жерді мемлекетке қайтаруды қамтамасыз етті.
Олардың кадастрлық құны 229 млн теңгеден асады.
ПРОКУРОРЛАР ҚАНДАЙ БҰЗУШЫЛЫҚТАРДЫ АНЫҚТАДЫ
Қайтарылған учаскелерден басқа, аудан прокурорлары жер заңнамасының талаптарын бұза отырып, бос тұрған ауыл шаруашылығы мақсатындағы тағы 7 мың га жерді анықтады. Оларды мәжбүрлеп алып қою және мемлекеттік жер қорына қайтару үшін уәкілетті органға прокурорлық қадағалау актісі енгізілді.
ҚАЙТАРЫЛҒАН УЧАСКЕЛЕР ҚАЛАЙ ПАЙДАЛАНЫЛАДЫ
Мемлекетке қайтарылған жер учаскелері конкурстық негізде бөлінеді. Прокуратурада атап өткендей, бұл жергілікті тұрғындар мен адал кәсіпкерлерге мал шаруашылығын, өсімдік шаруашылығын дамыту және Көксу ауданының экономикасын нығайту үшін жер ресурстарына заңды қол жеткізуге мүмкіндік береді.
Прокуратура жер ресурстарын ұтымды пайдалану және оларды бөлудің ашықтығы мәселесі ведомствоның бақылауында қалатынын хабарлады. Пайдаланылмайтын жерлерді заңды экономикалық айналымға тарту жұмысы Жетісу облысының барлық аудандарында жалғасуда.
