В Көкшетау полиция қызметкерлері жалдамалы пәтерлерде жұмыс істеген жайлардың қызметін тоқтатты. Жайларды ұйымдастыру және ұстау, сондай-ақ жеңгетайлық фактілері бойынша сотқа дейінгі тергеу басталды. Тінту кезінде 1,9 млн теңгеге жуық ақша алынды.
НЕ БОЛДЫ
Ақмола облысы полиция департаментінің (ПД) мәліметінше, Ұйымдасқан қылмысқа қарсы күрес басқармасының (ҰҚКБ) қызметкерлері жыл сайын 30 шілдеде атап өтілетін Адам саудасына қарсы күрес жөніндегі дүниежүзілік күнге орайластырылған іс-шаралар аясында жайлардың қызметін тоқтатты.
Жайларды ұйымдастыру және ұстау, сондай-ақ жеңгетайлық фактілері бойынша сотқа дейінгі тергеу басталды.
ПОЛИЦЕЙЛЕР НЕ АНЫҚТАДЫ
Жедел іс-шаралар барысында Көкшетаудың екі тұрғыны ұсталды. Тінту жүргізу кезінде полиция қызметкерлері 1 млн 857 мың теңге, ұялы телефондар және тергеу үшін маңызы бар өзге де заттарды алып қойды.
Сондай-ақ, Ақмола облысы ПД мәліметінше, интимдік қызмет көрсеткен адамдар анықталды.
ПОЛИЦИЯДА НЕ ХАБАРЛАДЫ
Ақмола облысы ПД-да адам саудасына қарсы іс-қимыл, сондай-ақ жайларды ұйымдастыру және жеңгетайлыққа байланысты қылмыстарды анықтау мен жолын кесу ерекше бақылауда екенін атап өтті.
Өңірде осындай қылмыстардың алдын алуға және жолын кесуге бағытталған жедел-профилактикалық іс-шаралар жалғасуда. Сотқа дейінгі тергеу жалғасуда.
