«ҚазМұнайГаз» (КМГ) 2026 жылдың бірінші жартыжылдығында өзінің негізгі акционері — «Самұрық-Қазына» қорының облигацияларын 951,6 млрд теңгеге, шамамен $2 млрд-қа сатып алды. Мәміле аясында КМГ-ға қатысты тараптардың қарыздары мен басқа да берешектерінің көлемі 59,6 млрд теңгеден 998,2 млрд теңгеге дейін өсті.
НЕ БЕЛГІЛІ
KASE деректері бойынша, сатып алынған облигациялардың бір бөлігі 2026 жылдың қарашасында, екіншісі — 2027 жылдың маусымында өтеледі. Қағаздар бойынша мөлшерлемелер 3,9% және SOFR + 0,2% құрайды.
Сонымен қатар КМГ-ның кредиторлар алдындағы берешегі шамамен 3,4 трлн теңгені құрайды. Жылдың алғашқы алты айында компания акционерлерге 350 млрд теңге дивиденд төледі.
КОМПАНИЯНЫҢ ҚАРЖЫЛЫҚ КӨРСЕТКІШТЕРІ ҚАЛАЙ
2026 жылдың бірінші жартыжылдығында КМГ-ның кірісі 24%-ке өсіп, 5,57 трлн теңгеге жетті. Таза пайда 69%-ға өсіп, 903,8 млрд теңгені құрады.
Ұсынылған деректерде өсудің негізгі факторы ретінде «Теңізшевройл» аталды. КМГ-ның осы компания пайдасындағы үлесі екі еседен астам өсіп, 369,3 млрд теңгені құрады.
КМГ БҰРЫН ДИВИДЕНТТЕРДІ ҚАЛАЙ ТӨЛЕГЕН
2025 жыл үшін 350 млрд теңге дивиденд — біржолғы оқиға емес. 2022 және 2023 жылдары КМГ 300 млрд теңгеден төледі, 2024 жылдың қорытындысы бойынша да сонша мөлшерде төледі. Олардың ішінен «Самұрық-Қазына» негізгі акционер ретінде жыл сайын жартысынан көбін алады: мысалы, 2023 жыл үшін қорға жалпы төлемнің 300 млрд теңгесінен 202,3 млрд теңге тиді.
Айта кету керек, дивидендтердің өсуі — КМГ-ның өз бастамасы емес. Компания басшысы Асхат Хасенов мәлімдегендей: «"Самұрық-Қазына" қоры алдымызға дивидендтер көлемін ұлғайту міндетін қояды».
Осылайша, КМГ бір уақытта кредиторлар алдында борышкер болып қалады, акционерлерге дивидендтер төлейді және өз негізгі акционерінің облигацияларын сатып алуға айтарлықтай көлемде қаражат бағыттайды.
