Құқық қорғау органдарының бірлескен операциясы нәтижесінде Қазақстан мен Чех Республикасының Қазақстан және ТМД елдері азаматтарының жеке деректері заңсыз таратылған халықаралық арнаның қызметі тоқтатылды. Схеманы ұйымдастыруға күдіктілер ұсталды, тергеу жалғасуда.
АРНАЙЫ ОПЕРАЦИЯ ҚАЛАЙ ӨТТІ
Polisia.kz деректеріне сәйкес, операция ішкі істер министрлігі (ІІМ) Ұлттық қауіпсіздік комитеті (ҰҚК), қадағалау органы және Чех Республикасы полициясымен бірлесіп жүргізілді. Ұзақ жедел әзірлеме барысында құқық қорғау органдары халықаралық деңгейде әрекет еткен топты анықтап, оның қызметін тоқтатты.
Бір мезгілде Чехияның Усти-над-Лабем қаласында, сондай-ақ Астана, Алматы және Қарағанды қалаларында тінтулер жүргізілді. Тергеу әрекеттері барысында құқыққа қарсы әрекеттің дәлелдері бар цифрлық жеткізгіштер және қолма-қол ақша алынды.
СХЕМА ТУРАЛЫ НЕ БЕЛГІЛІ
Құқыққа қарсы әрекетті жүзеге асыру үшін жабық интернет-ресурс құрылды, онда Қазақстан және көршілес мемлекеттер азаматтарының жеке деректері орналастырылды.
Ведомство мәліметінше, топ ішінде рөлдер бөлінген. Кейбір қатысушылар жұмысты үйлестірсе, басқалары жеке деректерді «тексеру» деп аталатын тапсырыстарды қабылдап, өңдеген. Заңсыз алынған қаражатты жнақталту үшін дроп-аккаунттар пайдаланылған.
ІІМ НЕ ДЕДІ
ІІМ Киберқылмысқа қарсы іс-қимыл департаментінің бастығы Жандос Сүйінбай әртүрлі заңсыз қызметтер үшін бір реттік сұрауларды да, ресурсқа абоненттік қолжетімділікті де қамтитын жеке баға тізбесі белгіленгенін хабарлады.
Оның айтуынша, қылмыстық схеманы ұйымдастыруға күдіктілер ұсталып, уақытша ұстау изоляторына қамалған. Материалдарда ұсталғандардың саны көрсетілмеген.
ОДАН ӘРІ ТЕРГЕУ ТУРАЛЫ НЕ БЕЛГІЛІ
Қылмыстық іс бойынша тергеу жалғасуда. Ведомство сондай-ақ киберқылмысқа қарсы іс-қимыл, жеке деректерді заңсыз тарату арналарын анықтау және азаматтардың құқықтарын қорғау жұмысын жалғастыру ниетін білдірді.