В Ақмола облысында бір топ адамның бағалы металдарды заңсыз өндіруге күдіктелген әрекетіне Шортанды ауданы аумағында жол кесілді. Жедел іс-шаралар барысында алтын кенін өңдеуге арналған жерасты цехы табылып, күдікті ұйымдастырушы қамауға алынды.
ҚҰҚЫҚ ҚОРҒАУ ОРГАНДАРЫ НЕНІ АНЫҚТАДЫ
Ақмола облысы бойынша Қаржылық мониторинг агенттігінің (ҚМА) Департаменті прокуратураның үйлестіруімен бағалы металдарды заңсыз өндіруге күдіктелген бір топ адамның әрекетіне жол кесті. Жедел-іздестіру іс-шаралары барысында қызметкерлер алтын кенін өңдеу және бағалы металдарды алу үшін жабдықталған жерасты цехын анықтады.
ТІНТУ КЕЗІНДЕ НЕ АЛЫНДЫ
Тергеу іс-әрекеттері кезінде құқық қорғау органдары кенді ұсақтау және балқыту жабдықтарын, салмағы 446 грамм алтын құймасын, 4 тонна алтын құрамды материалды, 6 кг сынапты, сондай-ақ 2 млн теңгеден астам және $8 мың мөлшеріндегі ақша қаражатын алды. Сонымен қатар, тінту кезінде атыс қаруы мен патрондар табылды.
ТЕРГЕУ ҚАНДАЙ САТЫДА
Күдікті ұйымдастырушы қамауға алынды. Қазіргі уақытта құқыққа қайшы әрекетке қатысы болуы мүмкін барлық адамдар, сондай-ақ заңсыз өндірілген бағалы металдардың көлемі анықталуда. Тергеу жалғасуда.
Өзге ақпарат ҚР ҚПК 201-бабына сәйкес жария етілмейді.
